منتدي اون لاين بوك
كل عام وانتم بخير * مرحبا بك اخي الكريم * منور منتدانا ومنتداك منور بيك
بكل الحب نرحب بك علي منتدي منتدي اون لاين بوك



 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 من اشعار ثوره 25 يناير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
admin
admin
admin
avatar

عدد المساهمات : 227
تاريخ الميلاد : 14/02/1987
تاريخ التسجيل : 26/05/2011
العمر : 30
المزاج : رايق

مُساهمةموضوع: من اشعار ثوره 25 يناير    الخميس أكتوبر 27, 2011 6:41 am

^^^^^ هما كلمتين ^^^^^


هما كلمتين .. كلمة وكلمة .. مش مهم مين .. لكن اسمع بذمه

دمنا ساح .. وحقنا راح..ناس مهضومه وناس مظلومه .. وحكومة نايمه ببال مرتاح

بأمر وزير.. تطلع تقارير.. فبركي ياحكومة.. ماحنا الطراطير

يناير خمسة وعشرين .. طوفان مظلوم .. فاق من النوم .. يطلب حقه بعد سنين

سنين وعقود .. ذل وقهر .. فقر وجهل .. ولسان معقود

معقود بقانون.. طاريء وفساد .. ظلموا عباد .. باعوا بلاد .. وحملوها ديون

ديون فى رقبتى .. اديلك وقتى .. ولا اعرف انام . ابدا دلوقتى .. والحق اهو قام

قام ثوار .. شباب احرار.. من كل دار .. على الخير ناويين

والنيه بصوت .. كان مكبوت .. صرخوا وقالوا ..الطاغى يغور .. والظلم يموت

نظام ينشال .. ورجال اعمال .. حراميه تقال .. اتغدو بلحمى واتعشوا سكوت

.............

قالوا عيال .. طايش مهزوز .. ولما نعوز .. ندوسهم فى الحال

حدفوا قنابل مسيله وغاز.. وامن بخوذه ووش ازاز.. درع يمين وعصايا شمال

جابوا قوات .. قتلوا وجرحوا .. شباب وبنات .. من كل حي

رصاص مطاطى ورصاص حي .. لايوم هنطاطى .. والنصر اهو جي



اعلام مشلول .. باعو المقتول ..كلام اوهام ..ولا فى الاحلام

المرئي كفيف والراديو اصم.. مليان تزييف ولا فيش دم

ساعه ايران وساعة اخوان ..والعملا هناك فى كل مكان

وجبات كنتاكى.. والمعزة تكاكى.. وباضت جبنه بيضه قريش

زى ماخالد وبعده بلال.. وباستهبال .. كسروا دماغهم بقرش حشيش

الحاج صابر والخاله سعاد.. بقدرة قادر.. بقوا من الموساد

...........

دمك ياشهيد.. لايوم هايجف .. الشمعه تقيد.. وجروحنا تخف

الشعب اتهان من ده ومن ده .. وعم سليمان يقولك اجنده

احزن عليه ولا احزن على الكبير .. اللى قاعد فوق وحادفنا فى بير

انا حزني وطنى .. وهمى وطنى .. مش حزب وطنى .. اللى سارق وطنى

ارحل بخوفنا وخد معاك جمال.. ولا اكنا شفنا .. خيول او جمال

انا عاوزه يغور .. والكل كذلك .. بالحزب بتاعه ونظامه الهالك

او اقولك ..خليك ..هانحط عليك ..فى ميدان تحرير ..ونحجز مالك

الشعب خلاص.. طلب الخلاص ..فارقنا وارحل وانفد من سؤالك

بلادى مصر حرة ..ماتقولش ارحل ليه؟.. هى حرة.. وحرة بلادي

هاتحافظ على الامين.. مهما فقره كان.. ويسقط اللى خان.. وتطرد الاعادي

............


منقوووووووووووول
]هشام الجخ:
لا مش تمام .. ومش مظاهرة والسلام .. الشعب مش نايم سيادتك ..ولو قالولك انه نام
ما...بيجيلوش نوم الجعان .. واللي عطشان للعدالة ..واللي محتاج للامان
اللي تعبان ف الحياة .. واللي وسط الزحمة تاه .. واتحبس صوته زمان
كل دول كانوا بس مكسلين .. كانوا ناسين هما مين .. شعب اقوي من السنين
طول تاريخه وهوة محكوم ... بس حاكم .. يحسبوه مات م الالم .. يلتقوه قايم يلاكم
ينتصر وهوة غرقان ف الهزيمة .. يابلد مكتوب عليها تكون عظيمة
النهاردة الشعب قام .. ومش مظاهرة والسلام ..
عماد رجب:
أيا دنيا تناديني تعربد في شراييني
تزلزلني تمزقني تدق الارض تكويني
علي ميدان تحرير تروح الروح تنسيني
ثلاثيناً من القهر من الظلم ثلاثيناً من الطين


فاروق جويدة:
ارحل كزين العابدين وما نراه أضل منك
ارحل وحزبك في يديك
ارحل
فمصر بشعبها وربوعها تدعو عليك
ارحل


عبد الرحمن الابنودي:

عواجيز شداد مسعورين أكلوا بلدنا أكل

ويشبهوا بعضهم نهم وخسة وشكل

طلع الشباب البديع قلبوا خريفها ربيع

وحققوا المعجزة صحوا القتيل من القتل
منقوووووووووووووووووول


_________________
يا احلي البلاد يا بلادي


المحكمه هي بيتي
القانون هو طريقي
العداله هي هدفي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://onlinebook.forumegypt.net
اللمبي 8 جيجا
مستشار قانوني
مستشار قانوني
avatar

عدد المساهمات : 149
تاريخ التسجيل : 11/08/2011
المزاج : عامل دماغ

مُساهمةموضوع: رد: من اشعار ثوره 25 يناير    الخميس ديسمبر 22, 2011 9:32 pm

تسلم الايادي يا مدير يارب اشوفك وزير

_________________



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
المش محامي
عضو مجتهد
عضو مجتهد
avatar

عدد المساهمات : 45
تاريخ التسجيل : 16/07/2011
المزاج : سيبك انتا

مُساهمةموضوع: رد: من اشعار ثوره 25 يناير    الخميس ديسمبر 22, 2011 9:39 pm

تسلم يا غالي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السندباد البرى
شاعر
شاعر
avatar

عدد المساهمات : 6
تاريخ التسجيل : 01/08/2011
المزاج : رايق

مُساهمةموضوع: رد: من اشعار ثوره 25 يناير    الجمعة ديسمبر 23, 2011 5:16 pm

الله عليك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
من اشعار ثوره 25 يناير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي اون لاين بوك  :: القسم العام :: القسم الادبي-
انتقل الى: